Psa 115 | NdeIBE | STEP | Kakungabi kithi, O Jehova, hatshi kithi kodwa kwelakho ibizo kakube lenkazimulo, ngenxa yothando lokuthembeka kwakho.

Psalms 115

1 Kakungabi kithi, O Jehova, hatshi kithi kodwa kwelakho ibizo kakube lenkazimulo, ngenxa yothando lokuthembeka kwakho.

2 Kungani izizwe zisithi, “Ungaphi uNkulunkulu wabo na?”

3 UNkulunkulu wethu usezulwini; wenza loba yini ayithandayo.

4 Kodwa izithombe zabo yisiliva legolide, zenziwe ngezandla zabantu.

5 Zilemilomo, kodwa kazikhulumi, amehlo, kodwa kaziboni;

6 zilezindlebe, kodwa kazizwa, amakhala, kodwa kazizwa ukunuka;

7 zilezandla, kodwa kazizwa ukuthinta, izinyawo, kodwa kazikwazi ukuhamba; njalo ngeke nje zikhuphe umsindo ngemiphimbo yazo.

8 Labo abazenzayo bazakuba njengazo, kube njalo lakulabo abathemba kuzo.

9 Hawu ndlu ka-Israyeli, methembe uJehova – ulusizo lwabo lesihlangu sabo.

10 Hawu, ndlu ka-Aroni, methembe uJehova – ulusizo lwabo lesihlangu sabo.

11 Lina elimesabayo, thembani kuJehova – ulusizo lwabo lesihlangu sabo.

12 UJehova uyasikhumbula njalo uzasibusisa: Uzayibusisa indlu ka-Israyeli, uzayibusisa indlu ka-Aroni,

13 uzababusisa labo abamesabayo uJehova – abancinyane labakhulu ngokufananayo.

14 Sengathi uJehova angalenza lande, lonke lina kanye labantwana benu.

15 Sengathi lingabusiswa nguJehova, uMenzi wezulu lomhlaba.

16 NgakaJehova amazulu angaphezu kwakho konke, kodwa umhlaba wawunika umuntu.

17 Kakusibo abafileyo abadumisa uJehova, labo abangena phansi ekuthuleni;

18 yithi esimbabazayo uJehova, khona manje kanye laphakade. Dumisani uJehova.